Ataunen, Otsoak Dantza Taldeak herriko hainbat elkarterekin elkarlanean antolatuta, otsailaren 13an ospatuko dira; dantzaz eta musikaz alaitutako jaialdiak hartuko du herria. 80ko hamarkadako jantzietan oinarrituta, ohitura hori berreskuratu eta mantentzera animatu dituzte herritarrak.
Inauterietan dantzak ere berreskuratuko dituzte, eta hauek ikasi nahi izanez gero, hiru entsegu egun antolatu dituzte: Urtarrilak 28, otsailak 4 eta otsailak 11, arratsaldeko 18:30etatik 19:30etara San Martingo Lokalean. Herritar guztiak daude gonbidatuta entsegu irekietara eta parte hartzeko, 686 58 19 79 zenbakira bidali mezua.
Lazkaon ere otsailaren 13an ospatuko dituzte inauteri herrikoiak. Duela 6-7 hamarkada, oso errotuta zegoen tradizioa izan zuten eta iaz berreskuratu zituzten. Ohitura mantentzeko ilusioz, bi entsegu ireki antolatu dituzte herritar guztientzat. Urtarrilaren 30ean eta otsailaren 6an, 17:30etan izango dira Lazkaoko ikastolako Haur eta Lehen Hezkuntzako eraikinean.
Oin-Arin Dantza Taldeak eta Lazkaoko Ikastolak abiarazita eta Lazkaoko Udalaren laguntzarekin, herri osoa inplikatzea eta elkarrekin jaiaz gozatzea da helburua. Parte hartzeko, inprimaki bat bete edota oinarinlazkao@gmail.com helbidera idatzi.
