Lehenik eta behin, Eskolarteko lasterketak egingo dira 16:00etan hasita. Bertan, Benjamin, Alebin eta Infantil mailetako gaztetxoek parte hartzeko aukera izango dute, herrian zehar prestatutako zirkuituan.
Lasterketen ostean, arratsaldeko 17:30ak bueltan, gaztetxoentzat bizikletarekin lotutako ekintza ezberdinak egingo dira Segurako plazan.
Bertaratzen direnek bizikletaren inguruan alor ezberdinak lantzeko aukera izango dute. Bizikletaren gainean teknika hobetzeko ginkana bat antolatu dute, mantenurako gomendioak emango dira eta baita bide segurtasuna landuko da, herrian bizikletaz zirkulatzeko gomendioak azalduz.
Ekintza hauetan parte hartzeko, bakoitzak bere bizikleta eta kaskoa eramatea beharrezko izango da.
