Segurako Txirrindulari Elkarteak Eskolarteko lasterketak egingo ditu larunbatean 16:00etan hasita. Benjamin, Alebin eta Infantil mailetako neska-mutilek herrian prestatutako zirkuituan beraien karrerak egingo dituzte. Ondoren, 17:30ean, gaztetxoentzat bizikletarekin lotutako ekintza ezberdinak egingo dira Segurako plazan.
Bertaratzen direnek bizikletaren inguruan alor ezberdinak lantzeko aukera izango dute:
- Bizikletaren gainean teknika hobetzeko ginkana.
- Bizikletaren mantenurako gomendioak (katea, zulatuen konponketa…)
- Bide segurtasuna, herrian bizikletaz zirkulatzeko gomendio sorta.
Txirrindulari eskoletako kideek, nahiz herriko haurrek, izango dute bertan parte hartzeko aukera. Haur bakoitzak bere bizikleta eta kaskoa eraman beharko ditu.
Egin zaitez Komunitateko kide eta eman zure ekitaldien berri!
Argazkiak, artikuluak, hitzorduak, agenda ekitaldiak, eta bestelako edukiak gehitzeko aukera izango duzu webgunera.
KOMUNITATEA
