Orain bai, Ordizian Kantari saiorako dena prest dugu eta emanaldiak prestatzen hasi dira dagoeneko protagonistak. Izen-emateak osatuta, guztira 123 haur igoko dira Ordiziako Herri Antzokiko taulara; 10 talde Urdaneta ikastetxetik eta 21 talde Jakintza Ikastolatik.
Kantariko antolakuntzak entsegu eta saioen ordutegiak osatu ditu eta taula hemen duzue ikusgai. Entseguak martxoaren 1ean, igandearekin izango dira. 10:00etan hasiko da lehen taldea eta azkena arratsaldeko 17:00etan. Bertan izango dute aukera haurrek eszenatoki gainean prestatutakoa entsaiatzeko.
Saioen grabaketak martxoaren 7an, larunbatean izango dira. 16:00etan hasiko da lehen taldea eta arratsalde osoan zehar grabatuko dira sei saioak. Gurasoek bertan egoteko aukera izango dute eta hauek informazio guztia jasoko dute.