Asteburu honetan emango diote hasiera Errugbiko Errege Kopari. 2025-2026ko kopa formatu berritu eta zabalagoarekin dator aurten, izan ere, lehen aldiz Eliteko Ohorezko Mailako taldeak batuko dira lehiara.
Berregituraketa honek, kategoriako bederatzi klub hartzen ditu barne, Ohorezko Mailako hamaika parte-hartzaileekin batera. Modu honetan 20 taldeko txapelketa bat izango da, bosteko lau multzotan banatu dutena.
Fase erregularra asteburu honetan hasiko da, eta 2025eko abenduaren 21ean amaituko da; finalerdiak, berriz, 2026ko otsailaren 8 eta 9an izango dira, partida bakarrera. Final handia maiatzaren 2 eta 3ko asteburuan jokatuko da.