Herrian dagoen merkataritza-sektorea indartu eta bultzatu nahi da kanpaina honekin, kontsumitzaileei abantaila ekonomiko bat eskainiz.
3000 bonu jarriko dira salgai, herriko 80 saltokitan trukatu ahal izango direnak. Azaroaren 3tik aurrera jarriko dituzte salgai Ordiziako Merkataritza Bulegoan (Santa Maria kalea, 21) 10:30etatik 12:30etara eta 17:30etatik 19:30etara.
Bakoitzak bonu bakarra erosi ahal izango du eta beste pertsona batena erosi ahal izateko, pertsona horren NAN-a aurkeztu beharko du.