Lazkaoko anbulatorioa eraitsi eta berria eraikitzeko prozesu horretan, Osakidetzak behin-behineko anbulatorio bat jarriko du ikastolako kantxan, Mikelar inguruan, lazkaotarrei zerbitzu medikoen jarraitutasuna bermatzeko.
Etorkizuneko zentro berriak espazioaren handitze-beharrari eta osasun-zerbitzu berriak ezartzeari erantzuten dio. Eraikinaren azalera hirukoizteko proiektuan, 3 milioi euro inguruko inbertsioa aurreikusten da.
Azalera handitze horretan, osasun-arretara bideratutako espazioa, 2 solairutan banatutako 415 m2 izatetik, 4 solairutan banatutako 1.000 m2 inguru izatera pasako da. Hedapen honetarako egungo zentroa eraitsi eta lurzati berean beste bloke bat eraikiko da.