Apirilean ireki zituen ateak KGT kolektiboaren LUTXI IRAZIguneak. Ordiziako Santa Maria kaleko 4 zenbakian dagoen gune honetan, Goierriko liburutegiek alde batera utzitako liburu eta aldizkariak biltzen dituzte, irakurzaletasuna eta pentsamendu kritikoa sustatzeko asmoz.
Hilabetero edo bi hilabetero, gai ezberdinei eskainitako monografikoak burutzeko asmoa azaldu dute eta azaroan egingo dute lehenengoa.
Azaroaren 25era begira
Feminismoa eta aktibismoa hartu dute gaitzat azaroan, Emakumeen Aurkako Indarkeria Desagerrarazteko Nazioarteko Eguna dela eta. Gai honen inguruan dituzten argitalpenen lagin bat aukeratu dute. Interesa duen edonor LUTXI IRAZIgunera gerturatu daiteke eta bertan irakurri edota argitalpena etxera eraman.
Astelehen, asteazken eta ostiraletan arratsaldez dago zabalik 17:00-19:00 bitartean. Astearte, ostegun eta larunbatetan, berriz, goizetan 11:00-13:00 bitartean.
