Kortaria gazta izan da aurtengo Ordizia Txapeldun gazta lehiaketaren irabazlea. Gaur goizean ospatu da Ordiziako plazan, lehiaketaren XXXVII. edizioa. Bertan, azken hamar urteetan Ordiziako Euskal Jaietako Gazta Txapelketan irabazle izandako gaztak lehiatu dira. Guztira, 6 gazta ketu eta 4 zuri aurkeztu dituzte.
Hamar gazten hartean, Kortaria gaztandegiko ketu gabeko gazta izan da onena. "E" letradun gaztak, 8,83 punturekin, sari nagusia jaso du eta baita Urrezko Gazta. Bigarren saria ordizian gelditu da, Otatza gaztandegian. Hirugarrena berriz, Ilarduiako La Leze gaztandegiarentzat izan da.
