Laugarren urtez, ‘Udaberria Transloratzen’ zikloa ospatuko da Ordizian, gizarte anitz baten parte garela aldarrikatuz. Horretarako, gai eta ekintza anitzez osatutako egitaraua prestatu dute, maiatzaren 3an hasiko dena.
Programa zabala
Maiatzaren 3an hasiko da Zinegoak-ekin batera. Herri Antzokian, 19:30ean.
Maiatzak 8an, 18:30ean, Udaletxeko batzar aretoan ‘Gazteak eta pornografia, nola eragin alarmismoaz harago’. Mahai ingurua. Hizlariak Ibai Fresnedo eta Josebe Iturrioz dira.
Maiatzaren 17an LGTBI+ fobiaren aurkako nazioarteko eguna. Euskal Trabestien Show-a 20:00etan Plaza Nagusian.
Maiatzak 22an, 18:00tan Barrenan erakusketa eta hitzaldia ‘Gu ere bagara’. Ines Bermejo eta Julen Nafarreteren eskutik, Nola bizi dira gure herriko LGTBIQ+ nagusiak? Getxoko LGTBIQ pertsona nagusien kontatu gabeko istorioak.
Hilabetean zehar, bestalde, ‘Bizi-testigantzak’ eskainiko dira DBH3ko ikasleei, eta tailerrak egingo dira Eder Iturralderekin batera.
Maiatzaren 29tik ekainaren 14a bitarte Barrenako sarreran egongo da ikusgai ‘Ni naiz naizena’ erakusketa, Mugen Gainetik, Gehituz, Garapenerako Lankidetzaren Euskal Agentziaren eskutik.
Ekainaren 5ean, bi libururen aurkezpen eta mahai-ingurua egingo da. Julen Gorosabelen ‘Maitemina’, eta Mikel Uribelarrearen ‘Gorputz txiki batean jaio nintzen’. Hitzordua 18:00ean izango da, Udaletxeko batzar aretoan.
Ekainak 6, 18:00tan Naizen elkartearen hitzaldia egingo da Barrena Jauregian.
Ekainak 13, 19:30ean, Erreka Mari antzerkia eskainiko da Herri Antzokian.
