Duela egun gutxi Lazkaoko udal instalazioetan eraso matxista bat salatu zen. Lazkaoko Udalak, egoera honen aurrean, eraso matxistekin lotutako prozeduran, akusazio partikular gisa aurkezteko erabakia iragarri du. Modu honetan, erakundeak biktimen eskubideen defentsarekin duen konpromisoa berrestu nahi izan du.
Gertakariak ahalik eta lasterren argitzeko helburuarekin, biktimen ondoan egoteko borondate irmoa duela adierazi du, sistema judizialari lagunduta, justizia ahalik eta azkarren bilatzeko.
Azaroaren 24an, Udalak eraso horren baitan argitaratutako komunikatuan, lan egiteko konpromisoa berretsi zuen, indarkeria matxistarik gabeko bizitzak bermatzeko, errespetuaren, berdintasunaren eta bizikidetzaren printzipioen aurkako edozein ekintza gaitzetsiz.
Udala prozedura judizialean pertsonatzeko erabakiarekin, biktimekiko eta haien familiekiko babesa eta hurbiltasuna berretsi nahi izan du, indarkeria matxistaren aurrean duen tolerantzia eza eta gaitz sozial horren aurka modu aktibo eta irmoan borrokatzeko borondatea indartuz.
