Lazkaoko Udalak kirol arloan eraso matxistak izan direla salatu du

Lazkaoko Udalak kaleratu duen idatzi batean jakinarazi duenez, kirol arloan eraso matxistak izan dira herrian. Oharrean adierazi dutenez, orain dela gutxi izan dute salaketa horien berri. 
Irmoki gaitzetsi dituzte gertakariak, eta “errespetuan, berdintasunean eta bizikidetzan oinarritutako gizartea bultzatzen jarraituko” dutela adierazi dute. Gainera, “babesa eta hurbiltasuna erakusten die biktimei eta haien ingurukoei, eta behar dituzten baliabideak jartzen ditu haien eskura”
Lazkaoko Talde feminista ere salaketa publikora batu da eta gaitzespena adierazteaz gain “zurrumurren eta morboa baztertuz arduraz jokatzeko” deia egin du. 
Azaroak 25 izanik, elkarretaratzea deituta dute arratsaldeko 19:00etan eta “inoiz baino arrazoi eta indar gehiagorekin” aterako direla kalera adierazi dute haien sare sozialeta.