Urtero legez, Eleganteen bazkaria antolatu dute Harrikalariak Gazte asanblada elkarteko lagunek. Azaroaren 25ean, zubipe kiroldegian izango da eta 25€tan salgai daude bazkariko tiketak Pio, Zipotz eta Murua tabernetan, azaroaren 19ª arte. Bi menu izango dira aukeran: 1. Menua: Entsalada mixta, baserriko oilaskoa parrilan, txerri saiheskia parrilan, ezeizako pasteltxoak, ogia, kafea eta edariak. 2-Menu beganoa: Entsalada mixta, menestra, lasaña, piña, ogia, kafea eta edariak.
Tiketarekin, bazkal ondorengo bingoko lehen jokaldia doakoa da eta saria izango da lehenengo bingo eta linearentzat. Erantsita kartela eta elegante eguneko argazki bat.
Jaietako bigarren otordu nagusia Mozorrotuen bazkaria da, abenduaren 2an, larunbata, 14:30etan zubipe kiroldegian izango dena. Kasu honetan Udala da antolatzailea eta tiketak salgai daude Ormaiztegi App-an. Ohi bezala, zenbakituta eta online izango da salmenta, azaroaren 24eko 23:55arte dago epea erosteko eta 3 menu aukeran: 1-HELDUEN MENUA. 22€: Entsalada mixta, baserriko oilaskoa eta txerri saiheskia parrilan, Eceizako pasteltxoak, ogia, kafea eta edaria; 2-MENU BEGANOA. 22€: Ensalada mixta, kroketa beganoak, barazki menestra, lasaña beganoa, piña, kafea, ogia eta edaria; 3-HAURRENTZAKO MENUA (12 urtez azpikoak). 13€: Patea, urdaiazpiko kroketak, baserriko oilaskoa parrilan patatekin, izozkia, ogia eta edaria.