Bi kategoriatan dago banatuta, A kategorian 2010 eta 2013 urteen artean jaiotakoek hartu dezakete parte, eta B kategorian, 2009an edo lehenago jaiotakoek. Gai eta neurria librea izango da, euskaraz idatziak izan beharko dute eta jatorrizkoak eta argitaratu gabeak.
A kategoriako bi lehen sailkatuek oroigarriak irabaziko dituzte. B kategorian aldiz, lehen sailkatuak oroigarria eta dirusaria irabaziko du, eta bigarren sailkatuak dirusaria. Lehen herritarrak ere oroigarria eramango du etxera.
Lanak aurkezteko epea apirilaren 20ean amaituko da eta parte-hartzeko, lanak posta elektroniko bidez aurkeztu beharko dira idiazabalgobertsotaldea@gmail.com helbidera. Lehiaketaren informazio guztia Idiazabalgo bertso taldearen blogean dago.
