Idiazabalgo Udalak eta Adinetxek antolatua, zaintzei buruzko erabakietan laguntzeko hausnarketa saioak egingo dira. Olaia Arana Alvarez adituak gidatuta, norberaren etorkizuna planifikatzeko eta zainketa pertsonala zaintzeko laguntza eskainiko da. “Etxean zainduta izatea nahi al dut? Zein jarduera edo ohitura mantendu nahi ditut eguneroko bizitzan? Muxuak baino, besarkadak agian nahiago?”. Horrelako galderei buruz hausnartzeko eta ingurukoei nola transmititu lantzeko ikastaroak izango dira.
Saioak otsailaren 26ean eta martxoaren 5, 12 eta 26ean izango dira goizeko 10:00etatik 12:00etara Udaletxeko Areto Nagusian eta izen-ematea ostiral honetan itxiko da. Izena emateko aukera zabalik dago udaletxean eta liburutegian. Informazio gehiagorako 663626196 (Elorri) telefonora deitu edota idatzi berdintasuna@idiazabal.eus helbide elektronikora.
