Gipuzkoako Bertsozale elkarteak Herriarteko txapelketa aurkeztu berri du. Hirugarren aldia izango da Gipuzkoan taldekako txapelketa egingo dutela eta inoiz baino parte hartze handiagoa izango duela adierazi dute. Guztira 57 taldek parte hartuko dute eta horietatatik 4 Goierrikoak izango dira.
Gabirian bi talde sortu dira, "Osinalde 1" eta "Osinalde 2" izenarekin. "Oriako tramanak" taldeak ordezkatuko du Beasain eta Goierriko laugarren taldea "Legorreta" izango da.
Goierriko taldeen kanporaketak
Otsailak 6, ostirala (Legazpiko Gaztetxea, 19:00)
- Bertso-Olariak
- Izenik gabeko taldea
- Oriako tramanak
Otsailak 13, ostirala (Ordiziako Kixka taberna, 19:00)
- Zumarraga-Urretxu 2
- Osinalde 2
- Legorreta
Otsailak 20, ostirala (Ataungo Oargi, 19:00)
- Zumarraga-Urretxu 1
- Osinalde 1
Martxoak 7, larunbata (Lazkaoko Biziola, 17:00)
- Aurreko hiru kanporaketetako irabazleak
Finala Aian
Bigarren fasean, Goierri eta Tolosaldeako talde irabazleen arteko kanporaketa egingo da. Saio hau Zaldibiako Herri Antzokian burutuko da, apirilaren 17an. Bigarren fasean irabazten duten taldeak igaroko dira finaularreko fasera eta azkenik, finala maiatzaren 30ean jokatuko da Aiako probalekuan