Azaroaren 29an Kantari ikuskizunaren bigarren edizioa egingo da Urretxu-Zumarragan.
Kantari gaztetxoen artean euskarazko kantak sustatzeko ikuskizuna da, inolako lehiaketa kutsurik izan gabe, neska-mutikoek euskal kantak abesten eta dantzatzen ondo pasatzeko helburua duena.
Sei saio grabatuko dira, guztiak azaroaren 29an, Labeaga aretoan. Ikuskizuna bertan ikusteko aukera ez dutenek, streaming-ez zuzenean jarraitzeko aukera izango dute eta gerora, Goierri Telebistan emitituko dira saio guztiak.
Saioetan ere argazkiak aterako dira eta emanaldietan ateratako argazki eta bideoak parte-hartzaile bakoitzaren gurasoei bidaliko zaie.
Parte-hartzaileentzako informazio guztia hemen.