Eskualdean egoera ahulean dauden pertsonen enplegagarritasuna eta kualifikazioa hobetzea helburu duen Elkar-EKIN Lanean programak aurtengo ikastaroak aurkeztuko ditu datorren astean.
Gipuzkoako Foru Aldundiko Proiektu Estrategikoko departamentuak eta Goierriko Udalek bultzatu eta finantziatutako ekimenak hiru ikastaro izango ditu 2025-2026 ikasturtean.
Guztira, 189 pertsonek hartu dute parte eta pasa den ikasturteko hitzarmenak oso emaitza onak izan zituen.
Hitzarmen berriak Lorezaintza, Sukaldaritza, eta Zaintzako formakuntzak eskainiko ditu eta prestakuntza-ibilbide guztiak eskualdeko enpresa publiko edo pribatuetan praktikak eginez amaitzen dira.
Ikastaroetan zerbitzu eta prestakuntza osagarri berriak sartu dira, hala nola, gaitasun soziolaboralak, trebetasun pertsonalak eta profesionalak eta lana bilatzeko trebetasunak landuko dituzte. Horrez gain, sukaldaritzako formakuntzan, Goiturren eskutik, Goierriko oinarrizko kontzeptuei buruzko prestakuntza jaso eta elikagaien manipulatzaile titulua lortuko dute. Gainera, lan-mundura txertatzeko, hizkuntza-maila eta gaitasun matematiko, linguistiko eta digitalak lantzeko aukera izango dute.
Aurkezpen saioak otsailaren 13an izango dira NBF eraikinean. Lehena goizeko 10etan izango da eta bigarrena arratsaldeko 15:00etan. Interesatuek 943 15 18 31 zenbakira deituz izena ematea gomendatu dute.
