Elkar-EKIN Lanean, Eskualdeko Gizarteratze Sarean parte hartzen duten erakundeek egindako lankidetza-lanaren emaitza da. Langabezia murriztu eta kalitatezko enplegua sustatzeko helburuarekin, 2023-2024an formakuntza aukera desberdinak eskaini ditu programak; lorezaintza, ehungintza, zaintza soziosanitarioa, gainazal eta altzarien garbiketak…
Aurten, Lorategiak eta berdeguneak instalatzeko eragiketen prestakuntza eskaini dute. Guztira 16 pertsonak egin dute ikastaroa, bi hilabetetako prestakuntza teknikoa jaso zuten eta ondoren eskualdeko hainbat udaletxetako brigadetan, ikasitakoa praktikan jartzeko aukera izan dute. Aldi berean, gaitasun digitalak eta gaitasun soziolaboralak lantzeko aukera izan dute hilabete hauetan.
Ibilbide honi guztiari amaiera emateko, gaur Goiekiko instalakuntzetan diploma banaketa ekitaldia ospatu dute.