Kantariko saio berria dugu ate joka eta oraingoan Urretxu eta Zumarragaren txanda izango da. Abao Komunikazio Agentziak, Urretxuko eta Zumarragako Udalek bi herrien arteko ikuskizun berria antolatu dute eta jada, izen-ematea zabalik da.
Urretxu eta Zumarragako gaztetxoek Gukantari.eus webguneko ‘Izen ematea’ atalean dagoen galdetegia osatu beharko dute irailaren 22ra arte eta hiru, lau edo bost laguneko taldeak izan beharko dira.
Hurrengo astean, kantuen zozketa egingo da eta partaide bakoitzaren gurasoek WhatsApp bidez jasoko dute informazio guztia: egokitutako abestia, entsegu eta emanaldi egutegi eta tokiak…
Entseguak urriaren 26ko asteburuan egingo dira eta emanaldiak azaroaren 9ko asteburuan Zumarragako Zelai Aristi Aretoan.
Saio guztietako bideo eta argazki guztiak Goierri Telebistan eta gitb.eus webgunean izango dituzue ikusgai eta gainera, guraso bakoitzak WhatsApp bidez jasoko du material hori ere.
