INEko datuetan arakatuz eta hauei grafiko itxura emanez, Goierriko immigrazioaren argazki atera dugu. Hemen kontsultatu daitezke grafiko horiek guztiak.
Hala ere, datu eta grafikoetatik haratago, pertsonez eta haien bizitza-proiektuez ari gara finean. Immigrazioaren fenomenoa ulertzeko eta gure kontestura ekartzeko Xabier Aierdi, soziologian doktore eta Begirune Fundazioko presidentearengana jo dugu batetik. Bestetik, Goierrin bizi diren etorkinen begietatik ere ikusi nahi izan dugu immigrazioa. Batzuk urrutiagotik etorritakoak, besteak hurbilagotik. Batzuk txikitan etorritakoak, besteak heldutan. Batzuk bakarrik etorritakoak, besteak beraien senitartekoekin biltzera. Batzuk Goierrin geratzeko asmoa dute, besteek itzuli nahiko lukete. Hemen izan dituzte seme-alabak, eta hauen ikuspuntua ere bildu dugu saio honetan.
