Duela ia urtebete iritsi zen Beasainera Tori Banaketa sistema eta orain, etxebizitzetako atarietara zabalduko da. Modu erosoago, malguago eta jasangarriago batean, herritarrek erosketak jasotzeko aukera izatea da helburua.
Horretarako, puntu estrategikoetan ipinitako takillez gain, Udalak doako instalazio aukera eskainiko die etxebizitza komunitateei. Oraingoz, tokiko erosketak egiteko balioko dute takillek, Beasaingo azokan eta atxikitutako saltokietakoak zehazki; baina etorkizunean banaketa enpresa handietara batzea da nahia.
Beasaingo Udalak eta foru Aldundiak finantziatuko du kostua eta Tori zerbitzua komunitatean nahi izanez gero, galdetegi bat bete beharko du edozein bizilagunek. Baita ere, presentzialki egiteko aukera egongo da.
Eskuorri eta ikus-entzunezko informatiboez gain, informazio postu ibiltaria egongo da Beasainen otsailaren 16tik 19ra, herriko puntu desberdinetan:
- Otsailak 16: Kiroldegian (arratsaldez)
- Otsailak 17: Plazan (goizez) eta Erauskin plazan (arratsaldez)
- Otsailak 18: Ezkiaga auzoan (arratsaldez)
- Otsailak 19: Barrendain plazan (arratsaldez)
