Sei hilabeteko epean amaituko dira Barrendain plazako lanak

Beasaingo Udalak ohar baten bidez adierazi duenez, Gobernu Batzordeak abenduaren 4ean aho batez onartu zuen lanak Construcciones Moyua enpresari esleitzea. 1.489.350 euroko aurrekontua izango du eta lanak sei hilabeteko epean amaituko dira.
Espazio publiko honen eraldaketak, nahi ez den bakardadeari aurre egiteko gune bat sortuko du Beasainen. Egitasmoa aitzindaria da Europan, Kalelagun egitasmoaren baitan kokatuta dago eta ongizatea eta autonomía sustatzea du helburu.
Barrendain plazaren berrurbanizazioak 5.500 metro koadroko azalera hartzen du, eta Udalak adierazi duenez, “espazio enblematiko hau pertsonentzat pentsatutako gune bizigarri, irisgarri eta osasungarri bihurtzea du helburu”.