Urtero moduan, Ostadar Dantza Taldeak inauteri herrikoiak ospatuko ditu inaute larunbatean. Eta urtero moduan ere, herritarrak gonbidatu dituzte parte hartzera.
Badira urte batzuk kaleak musikatzen eta koloreztatzen hasi zirenetik eta otsailaren 14an ohiko dantza-desfile herrikoia eskainiko dute Beasaingo kaleetan zehar.
Helburua, herria inauterietako musikaz, kolorez, festaz eta dantzez janztea izango da eta horretarako entsegu irekiak antolatu dituzte. Entseguak astearteetan izango dira arratsaldeko 18:00etatik 19:00etara Oriamendi 10 helbideko lokalean. Haur, gazte eta heldu, dantzan murgiltzeko ezinbesteko aukera da; datozen egunetan partekatuko du Ostadarrek egun horretako festa-egitaraua.
Informazio gehiago edo beraiekin kontaktuan jarri nahi izanez gero, idatzi ostadardt@gmail.com helbidera.
