Beasaingo San Silbestre lasterketaren 50. edizioa aurkeztu dute Beti Bizi elkartean. Izan ere, urte hauetan guztietan elkarteko kideak arduratu dira tradizio handiko lasterketa hau antolatzen, Beasaingo Udalaren babesarekin.
Abenduaren 31an eguerdiko 12etan emango zaio hasiera lasterketari eta aurten ere giro paregabea espero da herritarren parte hartze zabala eta maila handiko atletismoa uztartzen dituen lasterketa honen inguruan.
Izen ematea zabalik dago abenduaren 29ra arte edo banatuko diren 500 dortsalak agortu arte. Aurkezpenaren unean 283 korrikalarik izena emanda zuten, horietatik %25a emakumeak.
Dortsalak egunean bertan jaso ahal izango dira Udaletxean, 9:30etik 11:30era.