Minbizia modu irekian bizitzeko gonbidapena egingo dute ostiral honetan, Beasainen. Izan Inurri elkarteak antolatutako “Tabuen kutxatik oholtzara” proiektuak isiltasuna hautsi eta esperientziak partekatzeko espazioa sortu nahi du.
Ekitaldia Usurbe Antzokian izango da, arratsaldeko zazpietan, eta bertan minbiziari aurre egin dioten emakumeen esperientziak, emozioak eta ahotsak oholtzara igoko dira. Haien bizipenak ez dira bakarrik kontatuko: Aissa Intxausti, Maddi Aiestaran, Oihana Arana eta Sarai Robles bertsolariek hitza jarriko diete.
Sarreren erreserba egin behar da.