Gaur, enpresako 35 langileek, ELAk antolatutako mobilizazio ugari eta sei egunetako greba aurreabisu baten ondoren, euren aldarrikapenak jasotzen dituen hitzarmenaren akordioa itxi dute.
2026-2028 urteetarako hitzarmena sinatu dute, langileek eskatutako lan-baldintzak hobetuz. Etxe batetik besterako desplazamendua, benetako lan denboratzat hartuko da hemendik aurrera. Soldatetan %14ko igoera izango dute KPIaren bermearekin. 2025eko atzerapenak jasoko dituzte eta ordaindutako lizentzietan hobekuntzak izango dituzte.