EuskoBox-ek antolatutako lehen Boxeo Jaialdia ospatuko da Beasainen ekainaren 28an Antzizar Kiroldegian. Hamar borrokaldi izango dira bertan, denak amateurrak eta oso interesgarriak. Borrokalari gehienak gipuzkoarrak izango dira eta beasaindar bat izango da beraien artean. Garazi Aramburuk debuta egingo du Beasainen, bere herrian, Ane Barrantesen aurka, 60kg-ko eremuan. Garazik 25 urte ditu eta medikua da; lehen aldiz jendaurrean borrokatuko dute bi borrokalariek Jaialdian eta antolakuntzaren esanetan, aukera paregabea izango da eurentzat urduritasuna kendu eta borrokaldiaz gozatzeko, maila altua erakutsi baitute biek.
Jaialdian amateur mailan borrokatuko da, baina borroka nagusia kategoria neo-profesional batean jokatuko da, hau da, hiru minutuko lau asaltora (besteak hiru asaltora izango dira). Bi aldiz Euskadiko irabazlea izandako Erlantz Tejadak bere azken borrokaldi ez-profesionala jokatuko du eta Ordiziako Boxeo Jaialdian egindo du debuta profesional mailan, uztailan ospatzen den urteroko gau-ekitaldi ospetsuan. "Boxeolari bikaina da, atsegina da bera boxeatzen ikustea, Oso borrokalaria eta ikusgarria da. Konfiantza handia dugu bere ibilbide profesionalean" adierazi du antolakuntzak. Andoni Artoren aurka jokatuko du Tejadak, ez da bi borrokalarien arteko lehen buruz burukoa izango, eskularruak gurutzatu dituzte behin baino gehiagotan eta beti izan da borrokatua.
Israel Echeverria borrokalari ordiziarra bertan izango da ere, pasa den urtean Ordizian borrokatzen ikusteko aukera izan genuen, "borrokalari ikusgarria da, oso dinamikoa eta oso erasotzailea". Jesus Jimenez donostiarraren aurka borrokatuko du.
Euskadin 75kg-an bi aldiz irabazle izandako Àyöub El Mzlázï eta Robell Batista borrokalariek ere sekulako ikuskizuna eskainiko dute. Bi borrokalari oso indartsuak eta antolakuntzaren ustez, ikusteko oso interesgarria egongo dena.
Goierri Irrati Telebista aplikazioan Beasaingo I. Boxeo Jaialdirako lau sarrera bikoitz zozkatzen ari gara. Parte hartzeko, aplikazioa deskargatu, GITBkide egin (doan) eta ekainaren 23a baino lehen izena eman beharko da.
Hauek eta beste batzuk izango dira borrokaldiak. Laster emango dugu beste borrokaldien berri; bertako borrokalari gehiago izango dira ring gainean ikuskizun zirraragarria emanez.
