Ataungo Udalak 4.086.720 euroko aurrekontua izango du 2026an. Abenduaren 18an egindako osoko bilkuran aho batez onartu zen aurrekontu proiektua, Ataunek inoiz izan duen aurrekonturik handiena izango da eta %50a inbertsioetara bideratuko da.
Botika etxea zaharberritzen amaitu eta udaletxeko bulegoak berrantolatzea izango dira proiektu nagusienak.
Gainera, aurrekontuetan eraginik ez duen arren, ura tratatzeko azpiegitura eraikitzeko lanak ere laster hasiko direla azaldu du Martin Aramendi alkateak.