Ordiziako Dorrean kokatuta dagoen Lutxi Irazigunean, KGT Kolektiboak azken 30 urtetan bildutako gai desberdinei buruzko liburu, aldizkari, dokumentu eta materiala jasota dago, herritarren eskura. 2024an Ordizian sortutako gunea Goierri osora hedatu nahi dute orain, horregatik sortu dute IraziGune ibiltaria. “Proiektuaren helburua Goierriko herrietatik gure materiala erakustea da” azaldu du Txarli Escañok, KGT kolektiboko kideak.
Lehenengo geltokia, Ataun
Abenduan zehar, Ataungo Udal liburutegian Euskal Herriko Memoria eta Historia gaia lantzen duen materiala ikusgai jarriko dute. Hilaren 1etatik 19ra, astelehenetik ostiralera arratsaldez egongo da irekita, 17:00etatik 19:00etara. Abenduaren 22tik 31ra berriz, goizeko ordutegia izango du, 10:00etatik 12:00etara.
