Arantzazu Gereñu Barriola izendatu dute Zeraingo alkate astelehenean ospatutako ez-ohiko osoko bilkuran. Gorka Urteagak arrazoi pertsonalengatik utzitako lekua hartu du Gereñuk, udalbatzaren babesa jasota. Lau aldeko bozka izan zituen eta bi abstenzio izan ziren, 7. zinegotzia ez zen bilkuran izan. Arantzazu Gereñu EH Bilduko zinegotzia izan da orain arte.
Zinegotzi kargu bat ere hutsik geratu zen eta Fermin Mendia Zunzunegik hartu du. EH Bilduren ordezkaria izango da.
Zeraingo udalbatza zazpi zinegotzik osatzen dute. Lau dira EH Bilduko ordezkariak eta hiru Zerain Burujabekoak.
