Euskarabentura espedizioko abenturazaleek Zerainen hartuko dute atseden larunbatean

Euskarabentura espedizioak aurten ere Goierri zeharkatuko du. Larunbatean iritsiko da Zerainera eta herritarrek harrera goxoa egingo diete. Izan ere, arratsaldeko 18:30ak aldera hasiko dira herriko gazteak tortilak eta afarimeriendarako jakiak prestatzen. Ziur giro paregabea sortzen dela abenturazaleen eta herritarren artean.
Euskal Herria oinez zeharkatzen duten 130 gaztek osatutako espedizioa da Euskarabentura. Hilabete batez, Euskal Herriko 7 probintziak zeharkatuko dituzte, euskara hutsean biziz eta gure herriko kultura, parajeak eta historia ezagutzeko helburuarekin.
Aurtengo edizioa uztailaren 3an hasi zen Maulen eta Getxon amaituko da. Tartean 407 km egingo dituzte Euskal Herriko txoko desberdinetan geldialdiak eginez. Horietako bat izango da Zerain. Larunbateko etapari Araian emango diote hasiera eta Goierrira San Adriango igarobidetik sartuko dira. Arratsaldeko lehenengo orduan Zerainen egotea aurreikusten dute