Zeraingo Herri Kandidaturaren ustelkeria akusazioen aurrean, kontzientzia garbi duela adierazi du Amaia Junquera alkateak

Legez kanpoko esleipen eta ordainketak egitea leporatu zioten alkateari urtarrilaren 18ko udalbatzarrean

Ustelkeria leporatu zion Zeraingo Herri Kandidaturak Amaia Junquera alkateari urtarrilaren 18ko udalbatzarrean. Batetik, aterpetxea berritzeko lanen esleipena legez kanpokoa izan zela salatu zuen Herri kandidaturak bertan, eta Udal gobernuak eten gabe informazioa ukatu diola.

Bestetik, Errementeriko obrak hasi aurretik, TUDIC enpresari 126.000 euro inguru ordaindu zitzaizkiola adierazi zuen Herri Kandidaturak. Gainera, alkatearen dimisioa eskatu zuten.

Udalbatzarraren zati hau jasotzen duen bideoa zabaldu da azken egunotan.

Akusazio hauen aurrean, Zeraingo alkateak bideo batean erantzun nahi izan du, kontzientzia oso lasai duela esanez.

Egin zaitez Komunitateko kide eta eman zure ekitaldien berri!

Argazkiak, artikuluak, hitzorduak, eta bestelako edukiak gehitzeko aukera izango duzu webgunera.


KOMUNITATEA