Ipuin kontaketa antzeztuak:
- Irailak 21, 16:30 eta 18:00 Zegaman, Anduetza parketxean.
- Irailak 21, 10:30 eta 12:00 Ataunen Barandiaran Museoan. MITOALDIAREN barruan.
SARRERAK: gipuzkoanatura.eus
Euskal mitologia: Ahozko tradizioa altxor bilakatuta
Euskal mitologia ez da soilik ipuin edo kontu fantastikoen bilduma. Errealitatea ulertzeko eta bizimodua arautzeko sortutako azalpen sorta bat da. Jendeak, beste azalpenik ez zegoenean, naturako gertakariak eta bere burua lasaitzeko erabili izan duen tresna da, mendeetan zehar ingurunea hobeto ulertzeko lagungarri izan dena.
Hain zuzen ere, ahozko tradizio hori belaunaldiz belaunaldi transmititzeko lan handia egin zuen Jose Migel Barandiaran Ataungo etnografoak. Ipuin eta istorio horiek paperean jasota, Barandiaranek altxor paregabea utzi zuen, eta horri esker, Jentilbaratza Kultur Elkarteak urtero gure mitologiaren hainbat txoko eta istorio ezagutarazten ditu.
