Aizkorriko Lagunen Egunaren 25. edizioa ospatu zuten igandean. Goizean goiz hasi zuten eguna. Batzuek Zegaman egin zuten hitzordua goizeko 6:30ean Aizkorrirantz abiatzeko. Beste batzuek San Adriango Aldaola aparkalekutik hasi zuten ibilbidea, goizeko 7:30ean. Guztiak Aizkorriko tontorrean elkartu ziren. Goizeko 9:30an zuten hitzordua argazkia atera eta cavarekin topa egiteko.
Herrira itzulitakoan, hegaluzea
Mendi buelta eginda herrira itzultzeak saria izaten du Aizkorriko Lagunen Egunean. Ohitura bihurtu den moduan, Eusko Labeldun hegaluzea eta sagardoa dastatzeko aukera izan zuten.