Aranzadi Zientzia Elkarteko arkeologoek Zegamako Udalarekin elkalanean, San Adriango igarobidea induskatu eta aztertzen dute eta aurten ere bertan egoteko aukera zabaldu dute. 19. Kanpaina arkeologikoa izango da aurtengoa eta udaro Leizarrateko sekretu berriren bat aurkitzen dute, izan ere, iazko aurkikuntza neandertalek kobazuloa babesleku bezala hartu zutela frogatzen zuten aztarnak izan ziren.
Txango gidatuak egingo dituzte larunbat honetan, uztailaren 5ean, San Adrianera eta bertan izango diren arkeologoek azken aurkikuntza honi buruz jardungo dute. Baita ere, igarobidean izan diren biztanleen garai historiko bakoitzari errepasoa egingo diote.
Aldaola aparkalekutik abiatuko dira bi txangoak, goizeko 10:00etan euskarazkoa eta 12:00etan gaztelaniazkoa, eta ibilbideak ez du zailtasunik izango. Izena ematea beharrezkoa izango da eta helduek 6euroko prezioa izango dute eta haurrek 4 euro.
Izena emateko eta informazio gehiago jasotzeko:
anduetza@gipuzkoanatura.eus / 943802187 / 688623609
www.gipuzkoanatura.eus
