Arratsaldeko 16:00etan abiatu ziren irteera marratik, 75,5 km-ko ibilbidea osatzeko. Zegamako erdigunetik, Segurako bidea hartu zuten, Idiazabaletik pasa eta Ormaiztegirantz abiatzeko. Ondoren lasterketako lehen gaina igo zuten, Liernikoa. Guztira hiru aldin igo zuten mendate hau eta metara jaitsi aurretik, Barbariko gaina ere igo zuten.
Podiumeko hiru txirrindulariak parez pare iritsi ziren metara. Azken metrotan guztia eman zuten lehen postua eskuratzeko. Azkenik, Cafe Dromedario-Flotamet taldeko Unai Moran izan zen lehena, Ipar Maquina - Dimaq taldeko Aimar Fernandez De Gorostiza bigarrena eta Arabarrak taldeko Egoi Arenaza hirugarrena, mendiko sailkapenean nagusitu zena.
Taldekako sailkapenean berriz, Ipar Maquina – Dimaq taldea nagusitu zen.