Zentzumenak erabilita, naturako animalia basatiek gure inguruan utzitako arrastoak aurkituko dituzte ibilaldi gidatuan. Aztarnak, gordelekuak, ileak, hezurrak... izango dira elkarrekin bilatu eta aurkituko dituztenak Murgisarriko basoan barneratzean.
Horrez gain, bidean ibilbidean zehar, intsektu txikienetatik hasita ugaztun handienetara hainbat espezieren bitxikeriak eta arrastoak azalduko dituzte.
Jarduera, martxoaren 30ean egingo da, igandea, goizeko 11:00etan, Anduetzako Parketxetik abiatuta. Izena aurrez ematea derrigorrezkoa da, plaza mugatuak baitira. Helduentzako prezioa 6 eurokoa da eta 12 urtetik beherakoentzat 4 eurokoa. Ibilaldiak badu zailtasun pixka bat Murgisarriko desnibela dela eta; hortaz, 5 urtetik beherakoentzat ez da egokia.
Informazio gehiago eta izena emateko:
943 80 21 87 / 688 62 36 09
anduetza@gipuzkoanatura.eus