Larunbatean Zegamako San Martin feria ospatu zuten. Goizean goizetik, herriko abereen erakusketa eta lehiaketarekin bete zuten herria eta egun guztian zehar hainbat ekitaldi izan zituzten.
Pilotalekuan Aizkorri-Aratz Parke Naturaleko 25. Gazta Lehiaketa ospatu zen eta aurten, 14 gazten artean aurkitzen zen irabazlea. Lehia estu baten ostean, Olaberriko Aizpea gaztaindegia izendatu zen garaile. Atzetik, Segurako Ondarre eta Idiazabalgo Gaztainaditxulo, hurrenez hurren.
