Datorren maiatzaren 26an ospatuko da aurtengo Zegama Aizkorri mendi maratoia. Antolakuntzatik, lasterketan egongo diren korrikalari esanguratsu batzuen parte hartzea konfirmatu dute.
Iazko edizioan huts egin arren, aurten Kilian Jornet berriz itzuliko da Zegamara. Korrikalari katalanak, hamar aldiz irabazi du maratoia eta bere azken parte hartzean, 2022an, errekor berri bat ezarri zuen 3h36.40ko denborarekin.
Golden Trail World Serieseko proba puntuagarria izanik, maila altua espero da aurten ere. Konfirmatutako beste korrikalarien artean aurkitzen dira Manuel Merillas eta Daniela Oemus, iazko irabazleak. Bata izango ditugu gurean Elhousine Elazzaoui, Davide Magnini, Robert Pkemoi, Alain Santamaria, Aritz Egea, Jan Margarit, Sophia Laukli, Caitlin Fielder, Sara Alonso eta Malen Osa bezalako korrikalari esanguratsuak. Goierritarrak ere ez dira faltako Zegaman, besteak beste, Lide Urrestarazu, lehen aldiz parte hartuko duena.
Guztira 10.668 eskaera erregistratu dira aurten, eskuragarri dauden 500 plazetarako.
![Kilian Jornetek irabazi zuen XII. Zegama-Aizkorri Mendi Maratoia [2013-05-26]](https://gitb.tok-md.com/argazkiak/lon/cache/1682494424_tokikom_735x413.jpg)