Anduetza parketxeak maiatzaren 5ean inauguratu zuen 'Euskal Herriko Hegazti Habiagileak' bildumaren erakusketa. Ramón Urainek akuarelaz egin ditu pintura hauek eta parketxeak teknika honen erabileraren zailtasuna goraipatu du «artista gutxik lantzen duten teknika da. Oleoa ez bezala, gaizki ateratzen bada, ezin da zuzendu edo gainidatzi; paperontzira doa zuzenean. Akuarelan konposizioa, marrazki ona eta kolore egokia hobesten dira.»
Ramón Urain akuarelista donostiarra da eta Bartzelona edo Paris bezalako lekuetan erakutsi ditu bere lanak. Anduetzan ikusgai dagoen bilduma 1990an amaitu zuen eta 160 akuarelak baino gehiagok osatzen dute. Bertan, «gure inguruan bizi diren hegaztien alderdi morfologikoen berri emateaz gainera, haien edertasuna eta dotoretasuna erakutsi nahi ditu.»
Anduetzak erakusketara gerturatzeko animatzen ditu, batez ere, fauna eta pintura eta bereziki hegazti zaleak edota akuarela zaleak direnei.
Ramón Urainen artelanak: ramonurain.com
Informazio gehiago:
943 80 21 87 / 688 62 36 09 | anduetza@gipuzkoanatura.eus | www.gipuzkoanatura.eus