Larunbatean “Gaueko hegazti harraparien bila” irteera egingo dute gaueko 20:00etan Zegamako Anduetza parketxetik abiatuta. Nerea Pagadik gaueko hegaztien inguruko ezaugarri orokorrak azalduko ditu eta gauaren iluntasunean barrena hegaztien kantuak ezagutzeko ibilaldia gidatuko du.
Ibilaldia zailtasunik gabekoa izango da eta linterna edo frontala eramatea komeniko da.
Igandean “Leizarrateko igarobidearen magia” txango gidatua egingo dute. Historiaz beteriko natur ingurune horretan, San Adrian gertutik ezagutzeko aukera eskainiko dute: Historiaurreko gizakien aztarnak, Erdi Aroko gotorlekua, kontrabandisten kondairak… Goizeko 10:00etan euskaraz eta 12:00etan gaztelaniaz, Aldaolako aparkalekutik San Adrianera oinezko ibilbidea abiatuko dute, Nerea Tauschke-ren azalpenekin batera.
Bi irteeretan lekua erreserbatzea beharrezkoa izango da eta prezioa 6€koa izango da helduentzat eta 4€koa 12 urte beherakoentzat.
Izena ematea eta informazio gehiago:
943 80 24 87 / 688 62 36 09
