Kilometro Bertikala

Lasterketa kronoigoera gisakoa izango da, beraz, banan-banan edo talde txikietan aterako dira korrikalariak. Larraitzetik hasi eta Gaintzako bidegurutzeraino joango dira korrikalariak. Zati hau neutralizatua izango da.

Bidegurutzearen parean dagoen bidea hartuko da eta hemen hasiko da denbora kontatzen. Hemendik, Txindokira igoko da lasterketa, Oria Iturritik pasaz eta honen ostean dagoen bihurgunean, ezkerretara dagoen bidea hartuko da, “tximista” deritzon bidean gora eginez eta Txindokiko gailurreraino. Ibilbideak 3,6km-ko luzera eta 980m-ko desnibel positiboa izango du. Eguraldiaren arabera, ibilbidean aldaketak egin daitezke.