18:00

Musika Eskolako ikasleen kontzertua

18:00

Zaintzak demokratizatzeko, herri sukalde publiko komunitarioa. Antsoaingo esperientzia

Hitzaldian, Antsoaingo Udaleko ordezkariek beren esperientzia partekatuko dute: Elena Ugarte Páez, Antsoaingo zinegotzia eta Jendarte-Zerbitzuen Mankomunitateko burua. Jon Garai Vales, Antsoaingo zinegotzia. Antsoainen garatutako herri sukalde publiko komunitarioa “Antsoain, zaintzen duen herria” proiektuaren barruan sortu zen. Ekimenaren helburua ez da soilik elikadura osasungarria bermatzea; bakardade egoerei aurre egitea, harreman sareak indartzea eta adinekoen zein zaintza premia duten pertsonen ongizatea sustatzea ere bada. Horretarako, komunitatea, administrazioa eta zaintza uztartzen dituen eredua garatu dute. Antsoaingo jantoki komunitarioa Nafarroan aitzindaria izan da, eta zaintza publiko-komunitarioaren inguruko erreferentzia bihurtu da azken urteotan. Proiektuak zahartze aktiboa, elikadura osasungarria, gizarteratzea eta herritarren arteko laguntza sareak sustatzen ditu. Zaldibiako Udalak herritar guztiak gonbidatzen ditu hitzaldira, zaintza eredu berrien inguruan hausnartzeko eta beste udalerri batzuetan martxan jarritako esperientzia berritzaileak gertutik ezagutzeko.

19:00

Zaldibiako irakurle taldea

Irakurgaia: Esker onak (Delphine de Vigan), Aiora Jakaren itzulpena. Gidaria: Karmele Etxabe Azkarate Delphine de Vigan frantziarraren lan arrakastsua zahartzaroaz mintzo da, norbere baitan sentitzen diren zorrez, zaintzaz, eskerrak emateaz. Solasaldiaren ondoren, ohi bezala, mokadua egingo da bertaratutakoekin.

17:00

II. Xake Txapelketa Herrikoia

Ekainaren 19an, ostirala, 17:00etan hasita xake txapelketa herrikoia antolatu dute Gaztelu elkartean, haur zein helduentzako. Partaide kopuruaren eta euren mailaren araberako kanporaketak osatuko dira. Izena emateko, deitu edo idatzi 659128822 zenbakira. Txapelketan partaide kopuruaren araberako kanporaketak osatuko dira. Lehenengo ligaxka egingo da talde txikitan, jokalari guztiek partida bat baino gehiago jokatzeko aukera izan dezaten. Ondoren azken faseari emango zaio hasiera, sailkatuekin. Partidak 10+10 formatoan egingo dira; alegia, jokalari bakoitzak 10 minutu izango ditu. Ekimenaren asmoa xakearekin gozatzea da, beraz ligaxka taldeak egiterako orduan kontutan izango da lehiakideen maila. Xakea gustatzea edo probatu nahi izatea nahikoa da, beraz, parte hartu ahal izateko. Hala eta guzti partidak jokatzeko gai sentitzen ez bazara, xake ariketak eta jolasak izango dira. Izen-ematea doan izango da, eta haur zein heldu, denak izango zarete ongi-etorriak.

19:30

Paketengas

a ZEK martxa dabil!

18:30

Bertso garbitzailea

Antzerkia, bertsoa, umorea...