17:00

19:00

Nerabeentzako ikastaroa: Sexualitatea ezagutuz: emozioak, desira eta tratu ona

Gipuzkoako Foru Aldundiaren Treba programak 12-16 urte arteko nerabeei zuzendutako bi saio antolatuko ditu Zaldibiako Gaztelekuan. Azaroren 24an, Sexualitatea ezagutuz: emozioak, desira eta tratu ona ikastaroa izango da, eta azaroaren 25ean, Gorputza eta Harrenak izeneko saioa. Bi ikastaroen helburua izango da sexualitatearen gaia ikuspegi zabal, inklusibo eta kritiko batetik lantzea, eta esperientziak eta zalantzak partekatzeko espazio seguru bat sortzea. Bi saioak 17:00etatik 19:00etara izango dira. Ikastaroak Ageda Blasco ikertzaile eta hezitzaileak eskainiko ditu. Blascoren lan-ildo nagusietako bat da sexu-hezkuntza integrala, eta sexualitatean formatzailea da haur, nerabe, irakasle eta familiekin, baita unibertsitate-irakaskuntzan ere. Ikastarok doakoak dira, baina horietan parte hartzeko izena eman beharko da aldez aurretik, Gaztelekuan bertan edo gazteria@zaldibia.eus helbidera idatzita. Inskribatzeko azken eguna azaroaren 18a izango da, eta saioek aurrera egiteko gutxieneko izen-emate kopurua 10 lagunekoa izango da.

17:30

"Esne berriketan" bertso saio literario musikatua

Andrazkoei buruzko istorioak jaso ditu Uxue Alberdik, nagusiki emakumeek kontatuak. Ahoz jasoak idatziz eman ditu orain Esne berriketan izeneko liburuan. Liburua aurkezteko zenbait bertso-saio literario antolatuko ditu Iban Urizar Amorante musikariarekin eta lagun bertsolariekin. Zaldibiara Miren Amuriza eta Onintza Enbeita etorriko dira. Herriko adindun emakumeak ahalduntzeko XIMURRAK XAMUR programaren testuinguruan kokaturik dago ekintza hau, eta emanaldian talde honetako emakumeek txokolatea jarriko dute bertaratutakoek hartzeko. 10 €ko sarrera kobratuko da egunean bertan, antzokian.