Zaldibiako Udalak, Hiruki Larroxa kooperatibarekin elkarlanean, herriko LGBTI+ errealitateei buruzko udal-diagnostikoa jarri du martxan. Helburua, LGBTI+ herritarrek beren sexualitatea libreki bizitzeko dituzten aukerak eta oztopoak hobeto ezagutzea da; bai eta ikusgarritasunari, bizigarritasunari eta askatasunari bide emateko urrats eta neurri posibleak aztertzea ere.
Diagnostikoaren bidez Zaldibiako LGBTI+ herritarren testuinguru eta errealitateak hobeto ezagutu nahi dituzte, etorkizunerako oinarriak eraikiz.
Herriko argazkia osatzeko herritar guztien parte-hartzea eskatu dute. Guztien ahotsak jasotzeko galdeketa bat prestatu dute eta esteka honetan bete daiteke.
Ekarpen guztien anonimotasuna eta konfidentzialtasuna bermatzen dituzte.
Prozesuari buruzko edozein galdera edo zalantzatarako lgbtidiagnostikoa@zaldibia.eus helbidera idatzi daiteke.