Bertso saio didaktikoa

Lardizabal eskolarekin elkarlanean, urtero bezala, Zapiak bat elkarteak bertso saio didaktikoa antolatu du apirilaren 2an. Herriko bertsolariak diren Hodei Munduate eta Maide Garmendia izango dira kantuan, Lardizabalen bertsolaritzako irakasle duten Bixente Gorostidi eta Beasaingo Maddi Aiestaranekin batera. Bertsolariek lan desberdinak izango dituzte: ikasleek emandako oinekin osatu beharko dituzte bertsoak, asmakizunak bertsoz botako dituzte edo ezkutuan egindako marrazkia zer den igarri beharko dute bertsotan. Ikasleen galderak erantzuteko aukera ere izango dute kantuan. Bi saio egingo dira: 14:30-15:10 tartean aurrenekoa, 15:15-15:55 tartean bigarrena. Guraso eta herritarrak ere gonbidatuta daude.