'Arnasetik' bideosormen lehiaketa bat da eta euskararen arnasguneak osatzen dituzten udalerrietako gazteei zuzendua da. LH 5etik DBH4ra bitarteko ikasleek hartu dezakete parte eta aurten, Zaldibiako 5. eta 6. Mailako eta DBH1eko ikasleek euren proiektuak aurkeztu dituzte. Euskal Herri osoko 40 udalerri inguruko ikasleek hartu dute parte lehiaketan.
Atzo, 250 pertsona baino gehiago bertaratu ziren Seminarixora eta sei sari banatu zituzten. Zaldibiako Lardizabal Herri Eskolako ikasleek publikoaren saria irabazi zuten ‘Txokorako Bidea’ bideoarekin.