Herri Hezitzailea egitasmoa duela urte batzuk jarri zen martxan Zaldibian. Herriko eragile desberdinak elkartuta, herriko hainbat arlo aztertzen hasi ziren denon artean. Analisi prozesu baten ondorioz, herrian hutsune batzuk zeudela ikusi zuten eta hauei erreparatzeko, bi ekimen jarri dituzte abian, Ipuin Kontaketa Herrikoia batetik eta Jolasa Plazara ekimena bestetik.
Ostiral arratsaldean egindako aurkezpenean, Liburu Txokoa ere erakutsi zuten. Karreane kultur etxeko beheko aretoan kokatu duten gune berri bat, etxeko txikienentzat zuzendua egongo dena.
Proiektu hauek aurrera eramateko, herriko taldeetako bolondresak eta helduen lana oso garrantzitsua izango da, beraiek jolas zein kontaketetan duten jakituria, gaztetxoenei transmititzeko eta berreskuratzeko.