Agota Kristof hungariarrak idatzitako KOADERNO HANDIA nobela da udaberrirako Zaldibiako Irakurle Taldeak proposatu duen liburua.
Ikasketa-prozesu baten lekuko egiten gaitu Koaderno Handiak. Pertsonaia nagusien, bi anaia bikien, ikasketa-prozesua da. Hirurogeita bi atal laburretan zehar, zer ez digute kontatzen. Eta nola. Liburuak jakin-mina pizten du. Erakarri eta berarekin eramaten du irakurlea liluraturik.
Ekainaren 19ra bitarte badauka irakurleak nahikoa denbora liburu honetaz gozatzeko. Egun horretan egingo da literatura solasaldia, Eskarne Mujika Gallastegirekin. Bergararra izan da, hain zuzen ere, eleberri hau euskarara ekarri duena. Idazle honen lau liburu itzuli ditu euskarara Eskarnek, ondo ezagutzen du Agota Kristofen lana. Karmele Etxabe gidari dela, saio interesgarria izango da hurrengo hau ere.
Solasaldiaren ondoren, ohizko eran, mokadua egingo da bertaratutakoekin. Irakurri eta gozatu.
Egin zaitez Komunitateko kide eta eman zure ekitaldien berri!
Argazkiak, artikuluak, hitzorduak, agenda ekitaldiak, eta bestelako edukiak gehitzeko aukera izango duzu webgunera.
KOMUNITATEA