Irakurle taldearen solasaldia

Karmele Jaiok MAITASUN KAPITALA eleberria argitaratu berri du, eta hauxe da Zaldibiako Irakurle Taldeak proposatutako irakurgaia negu honetarako.

Emakume ahaldundua eta kontzientziatua izan arren, liburuko protagonista bere bikotekideak abandonatzen duenean pott eginda geratzen da, eta galdera sortzen da orduan: zer da maitasuna gure bizitzetan? Nola konfiguratu gaituzte, beste alor guztietan pertsona independenteak izan arren, harreman sentimentaletan hain menpeko eta zaurgarri izateko?